SZEGEDINUM

SZEGEDINUM

inferioris Pannoniae emporium, sale Transylvanicô celebre. Patria fuit Stephani Szegedini, cognomine Kis, ex genere Cumanorum, Theologi clarissimi, qui discipulus Lutheri ac Melanchthonis, variis in Hungariae urbibus, etiam postquam esser a Turcis captus ac male habitus, privatim, Euangelium praedicavit ad se venientibus, inque ipsis vinculis varia scripsit, ac inter alia Locos Communes Theologiae sincerae: Obiit A. C. 1572. Aetat. 67. Auctor porro tabularum Analyticarum Vet. Testamenti, edit. in fol. A. C. 1595. Speculi Romanor. Pontiicum, cium quaestionibus quibusdam de Traditionibus Pontificiis, et Assertionis de Trinitate. Thuanus Histor. Anton. Teissier. Elog. Part. I. Quenstedius, Melchior Adami etc.